Semangat Anang Ardiansyah

Anang Ardiansyah, nama itu begitu lekat di hatiku semenjak kecil. Aku mengenal nama ini, seperti aku mengenal lagu "Ampar-Ampar Pisang" dan "Paris Barantai" sejak kecil.

ADING BASTARI
Anang Ardiansyah

Lamah lambut jajantung panjang
Aduhai ading bastari
Bibir habang bakas manginang
Tanda ading nang baik budi

Ading sayang manang di alis
Aduhai bulan sahiris
Putih kuning maambun pupur
Kada tatinggal gawi di dapur

Adat asli jangan dibuang
Hilang akan kupakai jua
Paninggalan urang bahari
Kada lupa sampai mati

AMPAR-AMPAR PISANG
Anang Ardiansyah

Ampar-ampar pisang
Psangku balum masak
Masak sabigi dihurung bari-bari 2x
Manggalepak manggalepok
Dipatah kayu bengkok
Bengkok dimakan api apinya cancurupan 2x
Nang mana batis kutung dikitip bidawang 2x


BONTANG
S. Salfas

Rambai padi rambai palembang
Buahnya labat tangkainya panjang
Biar kucari sampai di Bontang
Barang mahirip kada saimbang

Ini lagu, lagunya Bontang 2x
Lagu gasan basasindiran 2x

Layar kena tamberang kencang
Hanyar ini sampai di Bontang
Baiar mahirip biar saimbang
Iman didada kahada goyang

KAKAMBAN HABANG
Anang Ardiansyah

Kambang culan sasangkutan kakamban habang 2x
Taungut rindu manangis mihat kakamban
Kakambang nang habang 2x

Hari lawan bulan
Rupa manis bapagar bintang
Kakamban nang habang tabawa bajalan
Aduhai kasian

Maramis di banyu dalam
Banyu dalam kacap-kacapan
Manangis di tangah malam
Kakambang nang habang nang jadi ingatan

SABAR MAHADANG
M.A. Barmawie

Laus janar sarai sarapun sarailah sarapun
Wadah mananam tangah halaman
Lawas banar sing takun takun ulunlah batakun
Kada talihat piang pang datang

Kanapa jua harinya hujan
Samakin labat manggantar hati
Rasa balisah ulun mahadang
Urang nang lalu sangkaan pian

Lamun hujan sudah baampih
Hati lalu banyanyi
Turun bapayung mahadang abang
Kada talihat pian pang datang


PANDAN ARUM
Hasal

Bajiku datang marimbun daun
Menguning amas baurai
Syarat runduk rundukan
Kursumangat banihku datang
Banihku intan si pandan harum
Limpahlah limpah ka kindai
Banihku si pandan harum
Kursumangat banihku intan


ANAK PIPIT
Taboneo

Anak pipit gugur matan di sarang
Ka tanah di sala rapun sarai
Umai-umai kada pang sampai hati
Malihat anak pipit kan cilaka

Kasihani anak pipit
Ambili anak pipit
Jangan biarkan anak pipit
Dalam sangsara

BANJARMASIN
Gatot Saputra

Kayuh baimbai ka hulu sungai
Manikmati pamandangan alam
Sungai nang panjang bakilau-kilau
Nang kaya amas intan parmata

Banjarmasin nang kaya jambrut hijau
Di sala butir mutiara
Malahirakan pahlawan bangsa
Bajuang mambela nagara

Kambang goyang lain si kambang barenteng
Kambang goyang tari nang lamah gamulai
Kambang barenteng sanggul kakamban habang
Siang malam hati jadi karindangan

KARANTIKA
Anang Ardiansyah

Du dudu du du
Bintang aras si karantika
Bintang sabuku bintang sabuku
Di kandang rakun

Du dudu du du
Kada maras hampian kaka
Diriku ini siang bapanas malam baambun

Pantun nasib marista diri
Adat lagu tingiran
Pantun nasib marista diri
Lagu-lagu di rantawan

Du du du du
Malam ini malam jumahat
Pasang palita pasang palita
Di atas pati
Du du du du
Tapuk bantal kursumangat
Harap batamu-harap batamu
di dalam mimpi